《情‧人‧節》
前言：這是一份青春戲劇劇本，
本應是在上年情人節演出的舞台劇，
但基於某種理由，
舞台劇未能演出，
劇本也只在有空時被我拿出來更正錯字，
現在這只是一份沒有錯字的劇本。
此劇作者是本人，
當中內容、題材比較普通，
結局和情節也當然土氣，
有一般人也想得出的結局。
但原本一定不是這樣！
只是基於某種理由而改成這樣。
為了讓更多人欣賞此劇，
現把劇本張貼在此。
最後，多謝大家欣賞此劇。
《情‧人‧節》 第一場 《人物簡介》第二場 《情》第三場 《人》第四場 《節》第五場 《輝》 第一場 《人物介紹》 佢叫高正飛，係一個善良嘅男仔，但都因為咁，所以做任何事時都會遷就哂其他人，就算有意見都唔會出聲，而且有時會倚靠其他人。就係因為佢有呢種性格，所以佢父母就送佢入黎寄宿學校到等佢學識獨立。 佢叫凌曉萍，係一個可愛女仔，媽媽俾爸爸拋棄，之後佢同媽媽生活，但媽媽要出外工作令佢冇人照顧，所以就俾媽媽送咗入黎寄宿學校。佢一直都好驚自己會有好似媽媽嘅經歷而唔敢拍拖。 佢叫江耀暉，係一個做事果斷嘅男仔，佢父母都要返工，所以佢成日都要自己一個係屋企，令佢學識獨立，比同齡同學顯得成熟。雖然係咁，但佢父母都係擔心佢自己一個唔識照顧自己，所以就將佢送咗入黎寄宿學校。 佢叫陶雪薰，係一個好靜嘅女仔，好少會講嘢。佢雖然讀書好叻，不過好可惜，佢係一個唔識去表達自己嘅人，好鐘意將自己收收埋埋，令人哋唔明白佢諗啲乜。佢父母想佢學習到羣體生活，所以將佢送咗入黎寄宿學校。 第一場《人物簡介》完第二場 《情》 (時間：下課後)(正飛、曉萍、耀暉、小柔、琪琪、浩然坐在地上，雪薰在一旁看書) 正飛：又到星期五，樂楓同荔美就好啦，又可以返屋企。琪琪：係囉，得返我哋六個人有咩做呀？小柔：睇書！浩然：你當我哋係雪薰牙！又睇書。耀暉：唔好咁話雪薰啦？呢啲係興趣黎架啫。小柔：咁不如玩True or Dare呀？曉萍：唔錯啵，咁啱我有個水樽！耀暉：我贊成！小柔：琪琪過黎，有啲嘢同你講。浩然：兩個女仔吱吱噚噚咁都唔知講乜！ (小柔在琪琪耳邊說話，雪薰走過眾人附近) 曉萍：HEY~雪薰！過唔過黎玩呀？我哋玩True or Dare呀，過嚟玩啦！雪薰：(輕俏俏)吓？我……耀暉：唔好「我」喇，過嚟玩啦！雪薰：(輕俏俏)但係，我……正飛：唔好「但係」喇！我知你想講乜，你想話「但係我重要溫書」呀嘛。呢條橋你用過2次喇，唔好咁衰，過黎玩啦。雪薰：(急快地)對唔住呀，我走先喇！ (雪薰離開) 小柔：唉…佢又係咁..成日都好似自閉咁..琪琪：算啦..你理得人哋咁多做咩啫..浩然：咪係囉..反正多一個唔多..少一個唔少..佢唔玩咪我哋六個玩囉~小柔：(奸笑)琪琪，重記得架可？琪琪：(望住正飛)哈哈..梗係記得啦正飛：嘩！你兩條友個樣咁奸嘅，想點呀？曉萍：唔好理咁多喇，邊個轉個水樽先？小柔：(搶走水樽)我嚟我嚟！琪琪：(指出面)嘩！咩黎架？(全部望指住嘅方向，小柔將水樽指住正飛) 耀暉：玩嘢牙，都冇嘢望~正飛：咪係囉，咦？你轉咗水樽拿？小柔：你盲架？個水樽轉咗好耐啦，係你哋望第二到見唔到我轉啫！浩然：正飛，轉中咗你啵，True or Dare？正飛：咁奸架..佢兩個分明夾埋啦…唔計呀..再轉過!耀暉：一次半次咪由得佢兩個囉正飛：唔得！再轉過！曉萍：算啦…一次半次咪由得佢兩個囉~正飛：咁好囉..我揀True浩然：高飛咁大細超架！同一句說話，你回應嘅語氣差咁遠嘅？正飛：莊浩然!我警告你唔好再叫我做「高飛」喇下!!我叫高正飛..唔係高飛!!浩然：係嘅正飛哥，細嘅會聽你話架喇。小柔：唔好講咁多喇，不如問佢問題啦!!琪琪：(面帶笑容)正飛，我問你…你鐘意邊個？耀暉：哦…唔怪得之頭先兩位小姐咁奸啦…原來有哂計劃問佢呢個問題~正飛：(緊張)吓…我…我鐘意………曉萍：邊個嚟架…我哋識唔識架？正飛：你..你哋識嘅….浩然：正飛…男仔定女仔呀!?小柔：正飛，你搞GUY架？耀暉：明顯係浩然搞GAG啦曉萍：正飛，俾啲貼士啦~正飛：(緊張)我…我鐘意嘅..就係呢到入面其中一個…….浩然：嘩…呢句有少少似我呢排煲金田一入面嘅一句…「兇手就係我哋呢到入面嘅其中一個」耀暉：好心你唔好喺呢個moment到講呢啲嘢啦..浩然：Sorry囉..我錯琪琪：嗱，呢到淨係得三個女仔…小柔、曉萍同我…浩然：老老實實…係唔係琪琪呢？正飛：(搖頭)唔係…琪琪：係唔係小柔呀？正飛：唔…唔係！ (正飛跑走) 曉萍：(怕羞)唔係小柔…唔係琪琪...咁咪姐係…我？耀暉：我諗十成係你啦…不過琪琪，呢個問題你係咪特登問佢架？琪琪：吓…頭先小柔同我講要分散你哋嘅注意力，令個樽指住正飛，問下佢鐘意邊個囉…小柔：嗯…本來諗住玩下佢啫..不過我冇諗過佢鐘意嘅原來就係曉萍…浩然：你睇你哋幾無聊..係啵，曉萍呀…咁你覺得正飛點呀？曉萍：(驚醒)吓！佢…佢呀…我…耀暉：唔好「佢佢我我」喇…一句到尾，你對佢有冇意思？琪琪：係囉曉萍，講下啦~曉萍：我對佢…都算有啲好感啦……小柔：哈哈…鐘意就鐘意啦，扮哂嘢！曉萍：(心中高興)喂呀…做咩講啲咁嘅嘢啵…唔同你哋講喇…我走先！ (曉萍離開) 浩然：喂喂喂…佢係唔係嬲咗我哋呀？琪琪：你睇下你，一啲都唔明女仔諗乜~小柔：咪係~一睇就知佢係怕羞啦…耀暉：不如我哋試下幫佢哋兩個一齊呀？琪琪：都好啵~咁我哋四個分頭行事啦~ (各人四散，突然耀暉掉頭找東西) 耀暉：死喇…我個銀包喺邊呢？雪薰：(手持銀包)係唔係呢個呀？耀暉：係呀…唔該哂~咦…點解我個銀包會喺你到嘅？雪薰：啱啱喺地下到執到架。耀暉：哦…咁點解你又會喺呢到出現嘅？雪薰：啱啱喺圖書館溫習，溫到攰咪出嚟行下囉。耀暉：哦…講樣嘢你知呀，原來正飛同曉萍係互相鐘意對方架~雪薰：哦…耀暉：你呀…唔好我問一句你答一句…你自己都講下嘢啦~雪薰：唔緊要啦…耀暉：唉…都唔知你諗乜嘅…話時話喇…你幾時生日呀？雪薰：2月13日耀暉：情人節之前一日…咪啫姐下星期三？雪薰：嗯…我要返圖書館溫習喇…拜拜耀暉：咁快走呀？ (雪薰離開，之後耀暉慢慢離開)(小柔和琪琪找曉萍)琪琪：曉萍，搵到你喇~小柔：(奸奸的)過嚟過嚟…姐姐同你針返幾句先~曉萍：我知你哋搵我做咩，想問我會唔會同正飛一齊呀嘛…琪琪：你知就好啦…曉萍：雖然我有諗過…但係…我唔會同佢一齊…小柔：吓…點解呀？你兩個咁襯…琪琪：我知喇…係咪因為驚你呀媽唔俾你拍拖呀？小柔：係囉係囉…如果係咁就簡單啦…暪住佢咪得囉~曉萍：我呀媽日日返工咁忙…邊得閒理我拍拖呀…小柔：又係啵…咁係因為咩原因呀？ (曉萍拿出日記交給小柔) 曉萍：呢本係我嘅日記…你哋揭去12月25日到睇啦~ (小柔打開2003年12月25日的文章) 小柔：2003年12月…曉萍：喂！唔係…小柔：唔好講嘢住…等我讀埋先…讀到邊呢…係呢到喇…2003年12月25日…晴…今天是我十一歲生日，我十分高興，因為爸爸媽媽帶我吃聖誕大餐和生日蛋糕。爸爸還送我一隻熊公仔，我會好好保存它的。琪琪：咦…原來你聖誕生日架…但篇日記都冇咩特別呀…小柔：係囉係囉…冇乜特別呀…曉萍：緊係冇乜特別啦…都唔係呢到…頭先我想同你講唔係2003年嘅12月25日…係2004年嘅12月25日呀…小柔：(吐舌頭)吓…係咩…唔好意思呀…等我再讀過先… (琪琪搶走日記打開2004年12月25日的文章) 琪琪：費事你又讀錯…呢次我黎讀~2004年12月25日…晴…十二歲生日，這樣就一年了，還記得去年今天爸爸媽媽和我一起慶祝生日，沒想到今天竟然是他們離婚的日子。我很想哭，但淚水卻不肯從眼裏掉下來…今天，我把爸爸送給我的熊公仔扔了，我恨他，是他令媽媽傷心，是他拋棄媽媽的！我恨他！我恨透了他！ 小柔：哦…我明喇…你係驚你會有你媽媽嘅經歷，俾自己鐘意嘅男人拋棄…曉萍：(低頭)嗯….小柔：講係咁講啫，但我認為正飛唔係一個拋妻棄女嘅人~琪琪：喂喂，唔該唔好講到佢兩個好似結咗婚生埋女咁啵..小柔：係嘅係嘅，講返嗰到先…我諗正飛唔會扔低你唔理嘅~琪琪：咪當俾個機會自己又俾個機會正飛囉~曉萍：(難為情)咁呀…我今晚諗下先啦…琪琪：咁好啦…我哋遲啲再問你啦 (小柔、琪琪離開)
(耀輝、浩然找正飛) 浩然：高飛哥…頭先做咩講完之後就即刻跑走咗呀？正飛：(頹廢地)唉…耀暉：正飛…你都幾頹下啵…之前浩然叫你高飛你會有好大反應…依家叫你高飛…你都無動於衷嘅…正飛：唉…我呢次好NOR呀…點解我要咁笨講咗出黎呢…浩然：邊個話你NOR架…你頭先不知幾勇敢！耀暉：咪係囉…有幾多人會咁勇敢走去講真話呀！更何況….正飛：(緊張)更何況咩呀？浩然：咦…睇黎有人開始緊張喇啵~正飛：(緊張)耀暉…快啲講啦…更何況咩呀！耀暉：(氣定神閒)更何況人地都對你有意思啵~正飛：(Down返)耀暉…唔好講笑啦..邊有可能喎…浩然：真架…信我哋啦…唔信你自己去問曉萍喇正飛：如果佢真係對我有意思嘅話…咁就等佢嚟搵我啦…耀暉：你Short咗牙？呢啲嘢梗係男仔去做主動架啦！浩然：咪係…邊有女仔會主動走去同個男仔講「我鐘意你！」架？正飛：吓…咁牙…咁我要點做呀…浩然：呢樣就Easy喇…約佢出黎三口六面講清楚咪得囉正飛：咁牙…我應該點同佢講呀？耀暉：呢樣嘢你自己諗下啦~我哋只係幫到咁多咋~正飛：咁好啦…唔該哂你哋呀…浩然：高飛…等你好消息~正飛：(準備起腳踢浩然)試下再叫我高飛呀拿！ (耀暉、浩然離開)(曉萍正在找琪琪，正飛站著等候曉萍) 曉萍：(心急)琪琪喺邊呢？無啦啦咁急打電話搵我，佢發生咗咩事呀？(正飛走到曉萍前)正飛：(有點尷尬)Hi…曉萍…曉萍：(心急)正飛？咁啱嘅，你有冇見過琪琪呀？正飛：其…其實係我叫佢叫你嚟呢到架…唔好意思呀…我噚日就咁走咗去…我… (曉萍用手指遞到正飛唇邊) 曉萍：噓…你唔洗講…我明白
正飛：咁...咁姐係點呀？曉萍：(開心)死蠢…自己諗啦~正飛：(急快)我鐘意你呀曉萍~曉萍：(害羞)你傻嘅…正飛：(慢速度)可唔可以…做我女朋友呀？曉萍：咩呀！兩手空空就想我做你女朋友？正飛：車…又唔係要你嫁俾我…唔通要我跪低送隻戒指俾你咩…咁嘅女朋友唔要都算~曉萍：(怒火)咁好呀…唔要咪唔要囉！ (正飛拿出熊公仔給曉萍) 正飛：傻妹…玩下咋…呢隻熊仔送俾你嘅…曉萍：衰人…玩我嘅...以為自己送隻熊仔俾我就可以哄返我牙？正飛：琪琪同我講咗喇…你爸爸咁樣對你媽媽…令你扔咗佢送俾你嘅熊公仔…依家我送返一隻俾你…我會好好咁對你…唔會令你扔咗隻熊仔…我會令你永遠永遠Keep住隻熊嘅~曉萍：(笑)嗯… (正飛拿起曉萍的手) 正飛：凌曉萍…我高正飛問你…願意做我女朋友嗎？曉萍：我願意~正飛：(溫柔)多謝你呀…不過我聽琪琪講話你唔會做我女朋友架啵…點解依家又肯嘅？曉萍：哈哈…唔話你知~ (正飛、曉萍牽手離場) 第二場《情》完 第三場 《人》 (雪薰把書本合起來，然後自言自語) 雪薰：唉…2月13日…好快又大一歲囉…唔知今年生日又會點呢…好似舊年咁一個人食孖寶蛋糕好定係就咁買十六枝蠟燭吹熄佢就當過咗生日好呢？算啦…呢啲嘢咪等個天去決定囉…一於擲銀仔啦…擲到公就食孖寶蛋糕…擲到字就買十六枝蠟燭吹熄佢~ (雪薰拿出銀幣向上擲，銀幣掉到地上)(雪薰手提電話響) 雪薰：(拿出電話)唔…邊個打黎呢？「喂…」耀暉：「喂…係咪雪薰呀…我係耀暉呀~我想問…」雪薰：「唔好問住…等等先…」 (雪薰把銀幣撿回) 雪薰：係公啵…「喂…唔好意思呀耀暉…頭先我執返啲嘢…你搵我咩事呀？」耀暉：「我想問你一陣得唔得閒…我有事要搵你…」雪薰：「一陣牙…咁好啦…六點鐘圖書館門口等啦…」耀暉：「咁好啦…一陣見…拜拜」 (耀暉掛線，雪薰坐了下來) 雪薰：擲到公…就食孖寶蛋糕啦…唉…記得以前幼稚園嗰陣…每個月都會有一個生日會…成間幼稚園嗰個月份生日嘅小朋友都會一齊慶祝…諗返起都好開心…成班人一齊嘅感覺真係好…比起我依家一個人過…真係差得好遠…都差唔多時間…走啦~ (雪薰離開)(耀暉在等雪薰，正飛經過) 耀暉：咦…正飛…咁啱嘅~你同曉萍點呀？正飛：哈…多謝你呀~如果唔係你同浩然叫我主動啲嘅話…我諗我都唔會同曉萍一齊~耀暉：哦~有情人終成眷屬喇啵…其實我覺得你真正要多謝嘅係小柔同琪琪…如果唔係佢哋問起嘅話…我諗你都唔會講自己鐘意曉萍~正飛：諗落又好似係啵~唔覺唔覺…今年情人節好快就到喇~耀暉：嗯…呀…係喇！正飛：做咩呀？乜情人節都同你呢個寡佬有關架咩？耀暉：唔係~情人節之前嗰日係雪薰生日…我會同佢搞個生日Party~你黎唔黎呀？我啱啱醒起要同其他人講呀…正飛：2月13日牙？咦…嗰日唔洗上堂啵~咁好呀…我又嚟~耀暉：應得我咁快？好…就預埋你…唔好甩底呀！正飛：得啦~話時話喇…你喺到做咩呀？耀暉：我等緊人囉~正飛：哦…咁好啦…我要走喇…拜拜耀暉：拜拜~ (正飛離開，雪薰到來) 雪薰：唔好意思呀…遲咗少少…耀暉：唔緊要…係我早到咗啫…我有樣嘢想同你講呀~雪薰：你講啦耀暉：之前聽你講你喺2月13日生日…我諗著同你搞個生日Party…呢次你冇得Say No架喇…因為我己經約咗人喇~雪薰：(驚訝)吓！你咁樣架……耀暉：(微笑)係呀~我係咁架喇！係呢…頭先喺電話到你話「係公啵」…咩黎架？雪薰：頭先擲銀仔睇下今年點過生日…擲到公就食孖寶蛋糕…擲到字就買十六枝蠟燭吹熄佢…耀暉：哈哈…估唔到你讀書咁叻…諗嘢竟然咁Kai~雪薰：(低頭)咩喎…咁我由讀中學開始年年都係一個人過架嘛…耀暉：咁你今年應該開心啦…唔洗一個人過…特別啲嘛~雪薰：係喇…你叫我出黎就係為咗講呢啲嘢咋？耀暉：唔係…其實我有樣嘢想俾你…不過依家唔準打開…到咗你出年生日先可以拆黎睇~雪薰：哦…咁好啦… (耀暉把信交給雪薰) 耀暉：拿…俾你嘅~記得出年先好拆呀！雪薰：哦…耀暉：我重有事做要走先喇…拜拜~雪薰：拜拜 (耀暉、雪薰離開)(耀暉等候樂楓、荔美回校) 耀暉：六點半都過咗喇啵…佢兩個咁遲仲未返嚟嘅…(樂楓、荔美出現) 樂楓：(興奮)Yeah耀暉…我哋回歸喇~耀暉：講得你咁開心…做咩咁遲架…荔美：咁要多謝樂楓喇…佢要我喺巴士站等佢…點知佢遲大到…樂楓：一次半次…冇相干啦~荔美：冇你咁好氣…係呢耀暉…做咩無端端喺到等我哋嘅？耀暉：下星期三係雪薰生日…我同佢搞咗個生日Party…荔美：哦…有人幫佢嘅夢中情人搞Party…耀暉：(尷尬)你講咩呀…荔美：哈…唔知呢~唔知邊個曾經話自己鐘意雪薰呢~耀暉：唔研究呢個問題…一句到尾…去定唔去？荔美：有人怕羞啵…算啦…唔玩你喇~樂楓去唔去呀？樂楓：好呀…我一定黎~你呢？荔美：我嗰日有嘢做，去唔到呀。耀暉：明白~樂楓：你同哂其他人講未呀？耀暉：重差曉萍未問~你幫我問佢得唔得呀？樂楓：你叫荔美問啦…荔美：唔緊要啦…我去問囉~我要返宿舍喇…拜拜樂楓：咁我都同耀暉返宿舍喇…拜拜 (耀暉、樂楓、荔美離開)(荔美走到曉萍房去) 荔美：曉萍…我返黎喇~曉萍：(開心)荔美牙…講嘢樣你知~我同正飛喺你走咗呢三日入面…關係有咗好大變化~荔美：你兩個係咪拍拖呢~曉萍：係呀…咁都俾你估到嘅~荔美：我醒呀嘛~係喇…下星期三雪薰生日…耀暉幫佢搞咗個生日Party…佢叫我問你去唔去~曉萍：嗰日唔洗上堂…我緊係要同正飛一齊啦…荔美：死女包…有異性冇人性…咁好啦…我幫你同耀暉講你唔去啦曉萍：嘻嘻…咁唔該哂你喇~ (荔美離開)(生日會當日，正飛、浩然、樂楓、小柔、琪琪各自做事) 浩然：YouYouYou快啲做嘢~Party就快開始喇~小柔：得把口講…又唔幫手…浩然：(奸笑)精人出口…笨人出手呀嘛~琪琪：莊浩然…我警告你唔好再講無聊嘢！快啲幫手做嘢啦浩然：Sorry囉…依家咪去做嘢囉正飛：咦…曉萍同其他人重未嚟嘅~樂楓：其他人我唔知…我只係知荔美有嘢做嚟唔到…正飛：咁耀暉呢？頭先重見佢架~樂楓：耀暉佢好似話去接壽星女黎喎…琪琪：雪薰住喺呢間宿舍咁耐，唔通會盪失路咩？洗唔洗接佢呀…小柔：哈…我估耀暉九成係鐘意咗雪薰…浩然：諗落又好似係啵…嗰次玩True Or Dare之前我講咗句有少少串雪薰成份嘅說話…耀暉即刻叫我唔好咁話佢…琪琪：重有呀…呢個Party都係耀暉搞架…依家重走去接人哋嚟~小柔：So結論係~浩然：耀暉深深地愛上雪薰了~正飛：你哋三個都幾好嘢啵~咩都作得出…樂楓：No~剛才聽到三位同學所講嘅嘢…熱情奔放…創意無限浩然：多謝~樂楓：唔好客氣正飛：(無奈)對白咁熟嘅…樂楓：燃點起我樂楓心中嘅一團火…正飛：(無奈)想點呀你…樂楓：我感覺到喺呢個moment…我有句嘢要爆喇~正飛：(無奈)講好喇下…千祈唔好唱出黎樂楓：無呀…我想講嘅係…耀暉同雪薰企咗喺嗰到好耐喇 (耀暉、雪薰走出來) 耀暉：你哋班人講咩呀…小柔：耀暉我問你…你係咪鐘意咗雪薰？雪薰：(尷尬)點會呀…耀暉：唔好理佢哋喇~你口唔口渴呀…我倒杯水比你呀~琪琪：有人逃避問題~正飛：哈哈…係呢耀暉…重未見曉萍嘅？耀暉：佢唔嚟呀嘛…你唔知咩？正飛：吓…真係唔知啵耀暉：你點做人男朋友架…咁都唔知正飛：佢可能有嘢做呱…(正飛、耀暉、浩然、樂楓、雪薰、小柔、琪琪繼續生日會)(另一邊廂，曉萍望著手機呆坐) 曉萍：(不開心)一點鐘喇…點解佢重唔搵我架…… (荔美看到曉萍，走了過去) 荔美：曉萍？點解你喺呢到…唔見正飛嘅？曉萍：佢…可能有嘢做呱…佢今日都冇搵過我…荔美：咁奇怪…佢之前冇約你咩？曉萍：冇呀……荔美：反正我依家放Break…我陪你等佢啦~ (荔美坐到曉萍旁，十五分鐘後) 荔美：唔好意思呀曉萍…我放完Break要返去…陪唔到你喇…曉萍：(苦笑)唔好講唔好意思啦…唔好意思嗰個係我先真…搞到你陪咗我咁耐… (荔美離開)(兩小時後，荔美回來) 荔美：曉萍…你重喺到等佢牙…佢有冇打過比你呀？曉萍：(心情低落)無呀…荔美：唔好唔開心啦…一係咁喇…反正我都做完嘢…我同你一齊去雪薰個Party到玩啦~曉萍：咁牙…好啦… (曉萍、荔美走到另一邊廂) 樂楓：咦…荔美…你唔係話唔黎架咩？荔美：咁我做完嘢呀嘛…見到曉萍…咪同佢一齊黎囉…浩然：(大叫)正飛!!曉萍黎咗喇~荔美：(驚訝)吓！正飛喺呢到牙？小柔：係呀…佢啱啱行開咗咋嘛~ (正飛出來) 正飛：傻妹…唔係嚟唔到架咩？好彩個Party重未完…我哋唔介意你Join埋架~曉萍：(傷心)咁…你繼續玩啦…我唔阻你喇…(曉萍走到另一邊廂) 正飛：佢做咩事呀？荔美：曉萍等咗你好耐都等唔到你打電話俾佢…佢以為你今日會陪佢…所以先冇去到雪薰個生日Party…點知原來你喺呢到…琪琪：正飛…咁你又真係差咗啲啵……耀暉：呆喺到做咩？重唔快啲追去同佢講Sorry (正飛走到另一邊廂找曉萍) 正飛：對唔住呀…原諒我啦…我真係唔知你等咗我咁耐架…曉萍：你覺得我重要啲定係朋友重要啲呀正飛：咁緊係你啦曉萍：唔好講笑啦…今日唔洗上堂...你冇搵我而去咗雪薰個生日Party…乜咁都係我重要啲咩？正飛：咁我應承咗耀暉會去呀嘛…曉萍：咁點解你完全冇同我提起過…你有冇當過我係你女朋友架？正飛：咁我以為你會知呀嘛…曉萍：咁點解你要扔低我呀……正飛：對唔住呀…我冇心扔低你架…原諒我…俾一次機會我啦…曉萍：我最驚嘅…就係俾一個自己鐘意嘅人拋棄…重記唔記得我應承做你女朋友嘅時候…你問過我一個問題…正飛：我記得…我曾經聽琪琪講話你唔會做我女朋友…所以我覺得奇怪就問你點解會肯…曉萍：其實喺之前嗰晚…我媽媽打過俾我…佢問我呢排點…之後我就將件事講俾佢聽…我媽媽聽完之後就叫我唔好因為佢同爸爸嘅事而影響自己…佢重支持我…叫我依照自己嘅意願去做正飛：所以你嗰日就依自己意願肯同我一齊…原來係咁…對唔住呀…我應承你以後唔會再令你唔開心…我唔會要你後悔決定同我一齊嘅事…得唔得呀？曉萍：(輕聲)你哄返我笑嘅…咪得囉…正飛：我姓高…你姓凌…如果有一日你嫁俾我嘅話…你個名就係高凌曉萍~「高齡」的曉萍~曉萍：(笑了一下)衰人…話我老！邊個會嫁你呀！正飛：終於笑返喇你~原諒咗我拿？曉萍：只此一次…下不為例~正飛：知道~咁我哋依家重返唔返去雪薰個Party呀？曉萍：緊係去啦~今日我等咗你咁耐…咩都冇食過…依家好餓呀…正飛：咁快啲行啦~ (正飛、曉萍離場) 第三場《人》完 第四場 《節》 (耀暉、浩然、樂楓、雪薰、小柔、琪琪、荔美在生日會) 荔美：唔知正飛可唔可以追返曉萍呢？小柔：我諗…得呱…琪琪：但願係咁啦…浩然：唉…好地地一個生日會估唔到會搞成咁…雪薰：(自責)對唔住呀…都係我唔好…如果我冇開呢個生日會嘅話…正飛同曉萍就唔會咁啦…耀暉：根本唔關你事…個生日會係我要搞嘅…所以唔好嗰個係我…你唔洗自責架~雪薰：其實我今日好開心…係真架~因為有咁多人同我一齊過生日…但係我真係冇諗過……耀暉：我唔準你咁樣諗…根本都唔係你嘅錯…雪薰：唉…估唔到我今年生日最後會搞成咁…樂楓：喂喂…嗰兩個人咪係正飛同曉萍？ (正飛、曉萍到來) 曉萍：咁多位唔好意思呀…要你哋擔心~樂楓：根據本人超過二百智商嘅頭腦…再以十萬分之一秒嘅迅速精密估計…我估正飛哄返曉萍~荔美：廢話…小柔：正飛…係有計啵…咁都俾你哄返曉萍…琪琪：犀利犀利~你到底係用咩方法哄返佢架？正飛：哈…唔話你知~琪琪：車…好巴閉咩耀暉：拿…雪薰…佢哋依家冇事…咁你唔會再自責啦~浩然：乜你唔係話錯嗰個係你自己咩~耀暉：呃…唔緊要啦~正飛：咁多位…我想問幾時有得食嘢呀？曉萍：壽星女都未出聲…幾時到你講嘢呀~正飛：又係你自己頭先話肚餓嘅~ (雪薰笑了) 樂楓：你哋睇…估唔到我哋平時最Cool嘅雪薰都會笑啵~浩然：咦…真係啵~荔美：我都係第一次見到佢笑雪薰：耀暉…多謝你呀~琪琪：雪薰…好偏心啫…只係多謝耀暉一個…雪薰：咁…咁呢個生日Party係耀暉佢幫我搞架嘛…所以咪…小柔：唔知呢~雪薰：咁我多謝埋大家囉…浩然：我就唔稀罕呢句虛偽嘅多謝喇…我只係想快啲食蛋糕啫~正飛：係囉係囉…快啲啦…耀暉：知曉萍餓喇廿四孝男友…咁好啦…我哋依家唱生日歌…之後食蛋糕啦~ (眾人唱生日歌，生日會完)(一年後，曉萍、小柔、琪琪、浩然坐在一起，雪薰在一旁看書) 小柔：荔美同樂楓咁耐重未出嚟架~琪琪：係囉…又話申請轉七日好快嘅…曉萍：你哋講咩申請轉七日呀…我唔明嘅…小柔：你只係知你男友啲嘢…其他咩都唔知架啦…曉萍：咁講我架你哋…琪琪：其實樂楓同荔美嘅屋企人要佢哋喺學校到由住五日轉住七日…所以咪要去校務處申請囉…曉萍：咁我哋以後咪可以一星期七日都見面~浩然：係呀…不過…都唔關你事啦…你記住正飛一個就夠啦~曉萍：你個浩然…串我咁話喇啵~浩然：唔敢唔敢… (正飛出現) 小柔：咦…正飛嚟喇啵~正飛：午安呀咁多位…樂楓同荔美重未申請完牙？浩然：未呀…係呢正飛，你記唔記得後日係咩日子呀？正飛：今日係2月7日，後日係2月9日，咩日子呀？浩然：嗰日好特別架…你真係唔記得？曉萍：後日咪係我哋拍拖一週年嘅日子囉…正飛：又好似係啵…差啲唔記得添…小柔：正飛…你哋呢個咩男友黎架…咁嘅嘢都唔記得架…琪琪：重有你呀浩然…你呢個咩朋友黎架…咁嘅嘢你都記得…浩然：咩呀…係曉萍要我問正飛嘅…話時話喇…你哋會唔會慶祝架？曉萍：呢種事就緊係會啦~浩然：咁會唔會預埋我哋架？正飛：(怒視)你話呢！浩然：我錯囉……早知係咁就唔同你哋講啦…咁衰架~小柔：好喇…唔好嘈喇…琪琪：係囉…你哋睇下依家幾點…夠鐘返宿舍喇…正飛：又係啵…咁我同浩然走喇…曉萍自己小心啲呀…曉萍：知喇…拜拜~ (正飛、浩然離開，雪薰走過來) 曉萍：雪薰…你睇完書拿？雪薰：未呀…不過差唔多夠鐘返宿舍呀嘛…咪過黎同你哋一齊走囉~正飛同浩然走咗囉可？曉萍：係呀…佢哋都要返宿舍呀嘛~雪薰：頭先我坐喺到睇書嗰陣…聽到正飛叫你小心啲…睇黎佢都好關心你啵~曉萍：緊係啦…佢係我男朋友黎架啵…佢試下唔關心我…我一定飛咗佢~雪薰：口不對心…佢頭先明明唔記得咗同你拍拖一年呢個日子…又唔見你唔要佢!?曉萍：咁唔記得都唔算唔關心啫…雪薰：計我話就係你唔捨得佢…曉萍：(甜蜜地)咩啫…唔俾咩…小柔：你哋覺唔覺得自從舊年雪薰生日之後…佢好似多咗主動搵我哋啵~琪琪：我都覺呀…睇嚟耀暉對你影響都好大下啵~雪薰：咩呀…都唔明你講咩…快啲走啦…遲咗就俾人鬧架喇~小柔：唔知點解我哋班人咁鐘意避開問題嘅~雪薰：唔講喇…快啲走啦~小柔：咁走囉… (曉萍、雪薰、小柔、琪琪離開)(雪薰、荔美在房裏，荔美剛回來，雪薰手持信封) 雪薰：荔美返黎拿…申請成點呀？荔美：搞掂咗喇~以後我同樂楓都會陪大家一星期過七日~雪薰：咁咪好囉~荔美：嗯…咦…你手上嗰封係咪信黎架？雪薰：呢封？算係呱…荔美：咁封信講乜架？雪薰：吓…我唔知啵…荔美：咁你重唔快啲打開佢黎睇？雪薰：唔開得架…呢封信係耀暉舊年俾我嘅…佢講到明要到今年生日先準拆架…荔美：係喎…唔覺唔覺…你下星期五就生日喇啵…雪薰：嗯…重有一個星期…我就會將呢封信打開…荔美：雪薰牙…你覺得作為一個好嘅男朋友…應該係點架…雪薰：其實好似正飛對曉萍咁…會主動去關心…都好足夠架喇…荔美：咁你覺得耀暉佢點呀？雪薰：佢牙…做事果斷…思想獨立…咁上下啦~荔美：睇嚟你對佢嘅印象都唔錯啵~雪薰：係呱…荔美：咁…雪薰：咁咩呀？荔美：冇嘢呀~我…要去訓覺喇…拜拜雪薰：咁好啦…早抖喇~ (荔美離開)(正飛、曉萍一起四處逛，雪薰、荔美、樂楓坐到一邊) 樂楓：Hi雪薰、荔美…你哋喺到做緊咩呀？雪薰：冇呀…我哋就咁坐喺到咋嘛…樂楓：哦…咦…睇下嗰邊…係正飛同曉萍啵~雪薰：真係啵~樂楓：不如我哋走去同佢哋Say個Hi囉~荔美：你Short咗牙…人哋拍緊拖…你就唔好無啦啦走去做電燈膽啦…雪薰：唔覺唔覺…咁快就一年…今日係佢哋拍拖一年嘅日子呀~樂楓：你又知？雪薰：嗰日聽浩然講架嘛~樂楓：咁唔覺唔覺…雪薰你都就快生日喇可？雪薰：係呀…重有四日…荔美：咁今年有冇人同你慶祝呀？樂楓：係囉係囉…耀暉有冇搵你啫~雪薰：(扮無知)佢…搵我做咩呀…樂楓：係囉係囉…耀暉搵佢做咩呀？荔美：咁就緊係搵你慶祝生日啦~雪薰：冇啵…荔美：吓…冇？佢唔通係想俾個surprise你？雪薰：唔知呀….樂楓：喂喂…正飛同曉萍行緊過嚟喇…快啲走啦…唔好阻住人哋啦~ (雪薰、樂楓、荔美離開)(雪薰生日當天，雪薰呆坐，浩然、樂楓、小柔、琪琪、荔美出現，雪薰呆坐) 浩然：雪薰~生日大快樂呀…正飛同曉萍話過多陣就嚟…等多一陣啦~樂楓：做咩佢唔應人嘅…浩然：我知喇…佢等緊禮物~小柔…攞出黎啦~小柔：大家嘅禮物在此…請笑納~樂楓：唔係啵…佢重係無動於衷咁嘅…琪琪：哈哈…你睇下佢個樣…十成十係等緊一個人啦~荔美：係呢…耀暉冇搵你咩？雪薰：佢…頭先打咗個電話俾我…小柔：係咪講生日快樂呢？琪琪：係咪示愛呢？雪薰：佢話…佢要走喇… (眾人沉默了一下) 樂楓：點解會咁突然嘅？雪薰：唔突然架喇…佢一個月前已經知道咗呢件事…只係一直冇講出黎…浩然：咁佢點解要走嘅？雪薰：佢話佢媽媽唔洗再返工…可以照顧佢…所以唔洗佢再住宿舍…小柔：但係你平日都可以喺學校到見到佢架~琪琪：係囉…只係星期六、日冇得見面咋嘛…雪薰：佢屋企人要佢轉埋校…轉去近佢屋企嘅學校到讀…樂楓：咁你哋以後咪得長假先有得見面!?雪薰：嗯…佢重叫我將封信扔咗…唔好拆開黎睇…荔美：咁封信呢？雪薰：我重未扔…封信重喺呢到…荔美：你會唔會打開嚟睇架？雪薰：(苦笑)唔知呀…咁多位唔好意思喇…我想走先… (雪薰離開，正飛、曉萍跑來) 正飛：(急快)咁多位…耀暉佢退咗學喇！曉萍：做咩冇人出聲嘅…小柔：頭先雪薰同我哋講咗喇…琪琪：佢重好唔開心咁走咗….樂楓：咁依家點呀？荔美：不如我去同雪薰傾下…你哋走先啦…浩然：唉…估唔到今日會係咁…咁好啦…雪薰就交俾你喇…拜拜 (正飛、曉萍、浩然、樂楓、小柔、琪琪離開)(荔美找雪薰) 荔美：雪薰…冇事嘛？雪薰：我冇事…荔美：你隻眼紅哂呀…啱啱喊完牙？你真係冇事？雪薰：真係冇事呀…記得就喺呢一到…耀暉將封信俾咗我…荔美：我陪你打開佢啦…好唔好呀？雪薰：嗯… (雪薰拆開信，耀暉的聲音讀出信的內容) 耀暉：雪薰，當您見到呢封信嘅時候，我希望我會成為一個對您黎講最重要嘅人，其實我一直都好鐘意您，但係唔夠膽講出黎，所以就想靠呢封信講出我嘅心聲，無論點都好，我都會一直喺您身邊守護您、支持你。聽日就係情人節喇，未知閣下聽日可唔可以同我渡過呢個節日呢？可以就Send個短訊俾我話我知啦！ 耀暉 荔美：原來佢…真係喺封信到明白咗心聲…雪薰：(輕聲)耀暉…我都好鐘意你…但點解你一定要走…荔美：唔好唔開心喇雪薰…快啲笑返啦…雪薰：(強忍)我冇事架喇…我哋返房囉~荔美：咁行啦~ (雪薰、荔美離開)(情人節當天，雪薰一人走過) 雪薰：耀暉…雖然我好想好想你喺我身邊陪我過呢個情人節…但我知道事實上係冇可能嘅事…不過我會一直等你…等你返嚟…或者你等我放長假嘅時候出嚟搵你！噚日你喺電話到同我講…要我開開心心咁過每一日…我應承你…我一定會！如果…依家你喺到嘅話…我一定會好有自信咁同你講句多謝…係你令我冇再將自己收收埋埋…我重想同你講多句…情人節快樂…同埋我鐘意你！！ 第四場《節》完 第五場 《輝》 (半年後，中五放榜前一日)(正飛、曉萍、雪薰、浩然、樂楓、小柔、琪琪、荔美坐在一起) 樂楓：聽日就放榜喇…小柔：唉…我哋幾個就快要分開囉…琪琪：無計啦…邊個叫呢間學校冇開辦中六咩…浩然：嘩嘩嘩…講到自己好似一定考到上中六咁啵~荔美：哈哈…緊係啦…我哋會考嗰陣有個Miss To幫我哋補習啵…梗係上到中六啦~雪薰：唔好再叫我Miss To啦…曉萍：雪薰…你就乖乖地要咗呢個頭銜啦~正飛：有Miss To…會考冇難道…成績實進步~樂楓：係啵…聽日放咗榜之後大家有咩做呀？曉萍：我就梗係同正飛去行街啦~小柔：我會同琪琪、荔美、浩然去唱K~咁你呢？樂楓：我就會返屋企睇卡通片喇~咦…雪薰你呢？雪薰：我約咗一個叫呀輝嘅人出黎傾計~浩然：係咪耀暉呀？雪薰：唔係…耀暉個暉係日字邊…同我傾計嗰個係一個網友…佢個輝係光字邊架~荔美：你死啦你…咁快約男仔…重要係網友…唔驚危險牙？雪薰：嗰個係女仔嚟架…荔美：算你啦…冇約男仔..不過都要小心啲呀…雪薰：得喇長氣~我要返宿舍執嘢喇…你哋都快啲返去執嘢啦…唔係聽日就趕唔切架喇~正飛：咁好啦…咁多位再見喇~ (各人離開)(雪薰到餐廳等人) 雪薰：到底個呀輝係咩人呢？咁耐都未到架…會唔會係玩我架呢… (耀暉出現) 雪薰：耀暉？咁啱嘅？耀暉：哈哈…估唔到你讀書咁叻…諗嘢竟然咁Kai~雪薰：做咩一見面就用呢句嚟話我啵…耀暉：話你蠢囉…小雪雪薰：小雪？呢個咪係我網名嚟？點解你會知嘅？耀暉：我咪就係呀輝囉…將我個耀字同暉字各取一邊…咪合成個輝字囉…雪薰：哦…你扮女仔嚟呃我…耀暉：咩呃你呀…係你蠢睇唔明我個名之嘛…雪薰：衰人！耀暉：對唔住囉…係呢…今日放榜啵…大家考成點呀…雪薰：全部上到中六~耀暉：咁勁!?咁你呢？雪薰：我都升到中六…耀暉：咁咪好囉…係呢…封信你有冇扔到呀…雪薰：冇呀…我重睇咗入面你寫嘅嘢~耀暉：咁…我嘅心意…你明架啦…咁…你嘅心意呢？雪薰：我中六讀嗰間學校…係你讀緊嗰間….耀暉：咁啫係點呀？雪薰：死蠢…為咗你囉…耀暉：傻嘅…雪薰：咩喎…唔俾咩…耀暉：雪薰…我想同你過每一個生日同情人節…得唔得呀？雪薰：(扮無知)咩意思呀…唔明啵~耀暉：我要你做我女朋友呀…得唔得呀？ (雪薰伸出手) 雪薰：你拖住我行出呢間餐廳咪得囉… (耀暉拖著雪薰的手步出餐廳) 第五場《輝》完 《情‧人‧節》全劇完 哇: )
好神奇ar : ) 哇 十分神奇呀! 嘩~~~~~~好神
頁:
[1]