異獸戰2 (Aliens v.s. Predator 2)
簡介:
堪稱電影史最兇殘兩大外星生物──「異形」(Alien) 和「鐵血戰士」(Predator),牠們的世紀血戰再度在地球上全盤引爆!人類不幸淪為兩派異獸的獵物,通通被捲入「異形」和「鐵血戰士」之間無血性的戰火中,該如何自救?上集《異獸戰》讓這兩大窮兇惡極的冷血外星怪物對決,這次續集雙方繼續視地球為殺戮戰場,更變本加厲將文明世界化身為殘酷禁區,絕對駭人可怕。 《異獸戰2》直截了當讓「異形」和「鐵血戰士」進攻人類城鎮,最終極的恐懼終於成真。《智能叛變》及《鐵血戰士》原裝監製約翰戴維斯 (John Davis) 親自掌舵,把驚嚇和恐懼指數推上高峰。
預告片:http://www.youtube.com/watch?v=X0axbNYviOw&mode=related&search
http://www.youtube.com/watch?v=qqcrmmMh5Rk
影評(轉自Yahoo)
好評:
我係血獸既Fans
"血獸既分別"
頭盔:階級分左金、銀、銅三種顏色。金色只係長老級所用,銀色係一般戰士,最後銅色就係低級血獸所用,而且武器會多D,而武器越少就代表越勇,血獸係著重(勇士之間既決鬥),會去除晒所有武器去同人1對1決戰以表示自己係勇敢的戰士,就好似第一集鐵血戰士咁公平,而今集既血獸係唔同以前既品種,D牙係唔一樣既。
頭髮顏色:顏色變藍表示年齡階級已經到達中級或以上
戰績:面部曾經受過傷,冇左隻牙,隻眼顏色一黃一白。
經驗:身手敏捷、熟練的戰鬥技巧,詳情見地下水道既戰鬥。
有D人話套電影畫面太黑。原因:一開始有隻異形入左去發電廠,血獸追擊,令全城市停電,加上落雨就當然黑嗎嗎,如果日光日白打就唔恐怖啦!!我又唔覺得太黑。有人問血獸點解唔隱形,落緊雨又點隱形呢。
一般血獸係唔會亂咁殺人,只係會殺身上有武器既人類,以保護自己安全,唔殺大肚婆,有病既人,詳情見AVP或Predator系列
當血獸黎到地球前攞左少量武器(頭盔、大爆彈、蛇鞭),後來知道事態嚴重,所以就入左部飛船到攞多幾件武器,見同伴死左又有感情,又攞左用黎毁屍滅跡藍色液體,最好笑係個爆彈,禁完個制重唔出黎住,等到就爆先走,非常有自信。
而每集血獸都會比戰利品人類,而今集人類就搵到支槍,後來又比軍方沒收左去,有第三集就好睇了。
最後一幕血獸VS變種異形,血獸武器都唔要就黎個公平決戰個幕非常好睇,結尾就好似PS既生化危機3咁,一支導彈炸哂全鎮好正常,軍方既處事手法一般都係咁上下,我唔覺有咩問題。整體黎講套AVP2非常好睇。
(評論者:jack10112506)
睇完異獸戰2,覺得都唔錯,
當初睇影評,好多人都批評劇情唔合理,
其實都驚驚地,會唔會花錢睇爛片.
睇完之後,又覺得可以接受,
有人話隻血獸(唔知點解有呢個名)明明應該身經百戰,
點解仲會受傷?
點解會打得咁辛苦?
點解會唔用高科技,選擇肉搏戰?
睇落的確幾唔合理,
咁高智慧的生物,無理由咁蠢,
但想深一層,
思想,思維呢樣物體,
並不是每個人都可以了解,尤其是第三身.
選擇孤軍作戰,肉搏,
可能係佢地文化之中的一種榮耀.
又或者是隱藏他血統中的野性,
好似廿一世紀的今日,有槍有炮,
但仍然有人選擇學功夫保護自己,
有人問過我,
點解有時間唔睇電視,食下野,享受一下,
而選擇去gym搬重鐵壓自己,
在跑不完的跑步機上狂奔.
那就是別人不能了解我的思想.
所以如果用自己,一個現代人的思想,
去思考,批判這種行為,
這劇情一定解不通的.
但如果接受他的野性.
用另一角度欣賞,
一切都會變得順理成章了.
(評論者:halohalo_sam)
劣評:
寧願叫返上次果個拍 AVP 第一集0既導演執導仲好睇0剌•
諗住使0左$65 蚊去旺角朗豪坊 UA 揀個 H 11 號靚座位欣賞 AVP 2 猛片...........可惜太失望0各•
寧願將 $65 蚊睇星爺果套 ( 長江 7 號 ) 仲好笑0拉!
繼 AVP 2 之後................無幾耐就黎又有 AVP 3 !
散場之後猛聽到 AVP 影迷狂爆粗:邊 X 個導演黎0架!
拍 d 咁0既垃圾片..........去拍四仔0剌 老!!XY#FXXX&Y
(評論者:onlinetchow)
看此片前,預期片中兩大怪物能夠打到九彩、鬥過你死我活。可惜再次誤電影公司的陷阱,頓成"白送金錢看爛片"。
電影就和戲內那隻新角色"鐵血異形"一樣,同是"混種"。將「外星怪物」、「青少年屠殺」和近年興起的「災難生還」,三種電影類型來個大"雜"合。不過眼高手低,顯得失色。
角色過多(對導演而言),互換時如同移動佈景版。其實如只專注那對母子會較好。
劇情不值一提,老老套套,後半部更是Bio Hazard的翻版。
這種電影,歡眾都把腦袋拋諸於後,旦求打鬥。但電影工作者也應加點創意吧。不能故步自封。
p.s.說真的,當我看畢此片後,一度以為是Uwe Boll的作品。
(評論者:fong882003)
個人評論:
我自己睇完呢套戲都覺得ok,唔似劣評中所講既咁唔好睇
戲中既動作埸面可能冇期望的多,但是每個動作埸面都很震撼
還有血腥,整個劇情都很緊湊,可以話係冇咩悶埸
係異形or血獸fans既一定要去睇
就算唔係fans,如果想睇電影既,異獸戰2都不失為一個好選擇。
[ 本帖最後由 大佬賢 於 4-1-2008 15:07 編輯 ] |