有錢都買唔到嘅任天堂NDS紀念幣

kenken1212

鐘意儲硬幣嘅玩家，睇完以下嘅介紹之後可能又會有新目標，因為圖中呢件物品，就係幾乎從來冇人提過，而且更係非常珍貴嘅任天堂紀念幣。講講其出處，原來2005年NDS喺美國發售嗰時，任天堂為表示對內部員工嘅感謝，於是向佢哋發出一封感謝信，而信裡面就包含咗呢枚由鍚鉛所鑄造，重54克嘅紀念幣，一面是NDS圖案，另一邊則包括有馬利奧、華利奧耀西及薩姆斯嘅圖案，而且在邊緣更刻有「感謝你協助成功發售NDS」嘅字樣。由於紀念幣只得員工有，所以除非佢哋肯割愛，否則就算有錢都好難買到。