雖然知道再回e個post係無樂點加,不過唔緊要,因為我志在藉e個post,同大家分享更多好既日本音樂(當然,作為伊藤由奈Fans既我,所分享既亦會以Yuna既歌為首選)...
第一首係伊藤由奈既Journey
如果有睇NANA既朋友們,相信都有聽過e首歌,我本身無睇NANA,不過都知道首歌係Yunao係入面個角色開演唱會個陣既開場曲,我自己初時聽e首歌既感覺唔係太大,不過再聽多幾次之後,覺得首歌有一種可以激起人心入面潛能既感覺.Journey風格上可以話有一種rock feel,而且係Yuna隨後出既咁多首歌入面,似乎都無再出現類似風格既歌,所以個人認為不妨聽聽
第二首係戀愛groovy x 2
戀愛groovy x 2係Yuna近期出既細碟<<Trust You>>入面,較為輕快既歌,同之前既I'm Here相比,兩首歌既風格其實係有d相似,不過如果有睇埋MV既話,你就會覺得戀愛groovy x 2有一種好似同一大班朋友開Party既感覺,
另外,戀愛groovy x 2既高音位都幾多,不過聽起上黎,對於伊藤由奈黎講問題似乎不大,聽聽No.2
第三首就唔係Yuna既歌啦,其實本來諗住都係Yuna既歌,不過廢事比人誤會我剩係識得伊藤由奈(=.+),所以,跟住介紹既就係黑木美沙既Bad Girl
黑木美沙...其實我都係o係之前套舞吧!昴先識佢,而近期知道佢出左碟之後,就好奇咁聽下佢唱歌會點樣,點知..
估唔到黑木美沙唱歌都咁正,成隻碟基本上大部分都係快歌,而Bad Girl 就係我聽完成隻碟之後覺得最正既一首歌,節奏快唔在講,對我黎講最重要既,就係BadGirl唔會比人一種唔夠喉既感覺,本人聽咩歌都好,總係覺得如果首歌有一種唔夠喉既感覺,我會覺得首歌好似唔完整咁,即使首歌幾好聽都好....
特別提一提:大家最好聽完之後,再去睇埋個MV..因為睇完之後你可能會對黑木美沙改觀..
**到左我的最愛啦,e首歌都係Yuna既歌,而且可以話Yuna另一首代表作Precious**
我諗對於唔少有聽開J-Pop音樂既朋友黎講,對Precious既印象一定係幾深刻,e首歌可以話係Yuna-ENDLESS STORY之後,另一首最觸動人心既一首歌,由開頭既柔和到尾段既高音,成首歌完整地展現出伊藤由奈既唱功之餘,亦令聽Precious既人有一種扣人心弦既感覺 所以必聽!!
另外,我想介紹埋同樣係Yuna唱既Take Me Away,我唔知點介紹e首歌,總之就係正啦!!
最後, Tender is the Night真係好正,不過經過我既努力之後,得出既結論就係Tender is the Night無拍到MV,
e點真係有d失望,如果有機會既話,真係好希望Yuna會拍返個MV~"~
題外話:我好希望e個post有多d人回,最好唔好比佢沉xd,希望大家可以係度分享更多好既J-Pop音樂
同時,我又好開心見到18樓o個位朋友都有聽endless story 過多排又有正歌好介紹既話,我會再次
回Post嫁@@ |