興奮過度 !《Pokemon GO》撞車掉水事件意外頻生！

Goth

美國一男子邊揸車邊篤，唔覺意駛錯方向撞樹，好彩人無事只係車頭全毀。
一Twitch用戶發現小哥達，成功捕捉後疑似興奮過度，結果變成直播跌落水。
美國電視台於天氣報告直播期間，有員工因過份投入，橫過攝影機前方仍懵然不知，主播只好以笑遮醜。

Goth

ladyemperor

ladyemperor

一美國軍人遠卦伊拉克對抗ISIS前下載咗《精靈寶可夢 GO》，抵達前線見冇鎖區不忘捉怪，更截圖留念叫ISIS用遊戲決鬥。
另一軍人遇到疑似訓練員，想上前認識同好卻被對方插佢一刀。縱然膊頭流晒血，他仍堅持捉多陣寶可夢再算，捱多排先去醫院縫咗8針。

2PD[Ｈ]

《精靈寶可夢 GO》能夠記錄玩家移動路線及捉怪記錄，只要拎到人部手機，去過邊到無所遁形。
一男子跑去前女友屋企捉怪，被現任女友發現無辦法畀合理解釋，當然分手收場。
里約熱內盧市長就跪求《精靈寶可夢 GO》盡快登陸巴西：因為唔少人（包括運動員）擔心寨卡病毒疫情決定取消行程，若果遊戲喺當地開通，里約奧運或者會重燃希望。

2PD[Ｈ]

一班工程師睇中市場潛力，提供PokeWalk代孵服務，由專人幫你清里數，上門拎機還機兼全程有手機app監察，明碼實價，而家請緊人出賣腳骨力。
一男孩見班大人夜晚出街玩易生意外，用簡單材料製作PokeGlo反光徽章，以防過馬路出事。徽章放喺街邊兜售大受歡迎，放上眾籌平台已超越目標金額。