日巨布袋 - 百日合神記 (不定期更新)

imDaedalus

為方便各位查看更新，本帖最頂部將使用時間倒序方式顯示。

::第59日::現況
86信啦! 等多4LV信就可以做主角任務! 好快就可以食台幻明幻出返隻舜飛燕!
呢一排打咩無咩~.~ 無黃石，無幻魂，無冥石
所以決定唔打蛇啦，打閻王~.~
閻王出冥石的確會容易D

於是就打左2-3日閻王 過程中都出左人生第一支5連 @-@

第150粒冥石已打齊! 又要儲錢買幻晶整朝幻@@

::第51日::
好辛苦黎到84信! 已經成功整左2幻牌，繼續努力!
95信就一次過食晒4樣野!!

::第44日::
終於都黎到80信!趁有幾日假，就快快手打埋明幻料

=================================================

序言:
我由九月中/尾開始轉投日巨，我由5月開始玩港巨，
玩左4個零月普普通通有2幻195主咁樣。

但係玩巨商點都想合下神獸架嘛，不過港巨合神咁貴
千幾銀拎出黎玩GAME，我真係唔捨得。

有一日機緣巧合之下，係52網禁左去日本SER睇。
初初諗住試下裝日巨睇下都好，但係睇左幾分鐘就覺得好吸引!
我問人合神要幾耐，佢話個零月到啦。
我又睇下D物價都覺得唔錯。

於是我即刻好清晰知道我既目標係合雀，
日巨應該可以比我白手興家=V=

::第1日::
不過我當時犯左一個錯就係大頻打英文= =
(之前無上樂古，今次係第一次出文)
有一個好心人叫我去入港團，仲比左4000萬我
(流星 感激^^)

不過入團等人批都用左半日時間，而過程中我去左做任。
真正既考驗就開始左: 全部兵都要自己升! 1LV開始
日巨入面即使你有錢都搵唔到人放50/90LV兵比你。

第一下都幾灰，即係要重玩日打夜打冥海= =
當然唔係啦! 我發誓今次要玩得好有策略! 要快D出2轉。
於是我請左3個斧頭巨漢谷全血，另外王巨漢都係谷全血。
目的就係為左盡快可以去冥界打冥海。

如無意外地我用左半日打海底王，谷到上1.1萬戰。
即刻上冥界! 不過係升主! 有3個MP女既條件下，主好快就上到77LV。

::第2日::
成功入左團!就問下有無人[順手]帶升，比我吸下經。
我知道好多人都係打緊冥石，我就試下問啦。

當然唔係問一次就有人應承你，要明白人地唔係老憑帶你升LV。
問當然要問得客氣又唔可以死LUR，唔好麻煩同埋煩住人地。
不過我就有D運氣，團入面有唔少人都好樂意比我吸經。

於是我就去吸閻王，有時仲有得分冥石/上級晶石既錢。
(好視乎對方樂唔樂意開心SHARE，人地分錢比你係BONUS)

D兵吸到50LV，張仙花，林平厚，孫維昌就出世啦。


之後我就決定升張仙花先，去左打海底王升到30-40LV度。
之後又再去返閻王區吸經，個晚1轉都吸到70-80LV到。

::第3日::
一起身就即刻去左升鳳凰飛鳥，打海底王，冥海。
3日黎都打左唔少海片/冥海片，放左都幾有成幾億身家。
就將鳳凰飛鳥照左出黎(用左1億)，當時林平，孫昌都係得80幾LV未轉得
但係吸閻王仲有排吸，於是我就用報酬既方式搵人帶我打白熊，於台吸到90LV

我用冥石同人換戰鬥經驗值，終於都轉得啦!(又要多謝師傅流星免費帶我吸白熊)


三隻2轉，個時好開心架!雖然...都只係竹子SET藤甲就轉ORZ


雷公就吸經啦! 火龍車就去片冥海，片到40幾LV覺得唔係路，
幾時先片到100LV打閻王呀?!
於就望下得64LV既鳳凰飛鳥，決定上去打蛇!

如無意外地打到蛇!又OK快(平均13秒到一場)
就開始左我既打寶生涯。

::第4日::
要合神就要有3幻~.~即係要打150粒冥石
同時仲要不斷洗信~.~升LV打錢洗信 做得邊樣?!
唯有一路打蛇，洗信時就去打下黃石。


但同時又發現一個問題
無論打蛇好打天草好
鳳凰飛鳥好多時都會死左
於是我就決定快D轉主
於是拎左15日藥用，打冥海升120


升到120LV用左個零鐘，之後搵團友去吸食魂
吸左一陣食魂，之後吸爪男
對我黎講都幾具挑戰性，因為血少
我要走位，必要時要QUIT先唔洗死主



吸左大半日時間，吸夠150就去解任
但係單人解任用斧頭...真係要用好多時間


當晚就去左打段，如無意外地我因為無打天
只靠人地借既一隻鐵炮浪人...第9段都係唔夠打架啦...
放棄!

::第5日::
朝早打段，問下團友有無可借白虎符
我又係有D運氣，跟手就輕鬆過左十段


之後既日子就全職打寶
如是者，當我打左70粒冥石之後停左手

轉打黃石同金片，雖然係悶
但勝在洗信方便唔洗行咁遠
仲有最重要既係: 無外掛~.~ 少人搶

終於都夠錢買第一本封書


打寶既同時，不知不覺間鳳凰飛鳥已經升到180LV
自從主角轉職後，鳳凰飛鳥同台男做左好拍檔


數日後，打夠錢買幻晶，可以搵人幫手整第一幻

::第N日::
又開始打明幻料..

同時又要解周任同埋洗信

::第43日::
依家就79信，洗到90信就做任，95就轉明朝
明幻個度爭十個幻晶，努力中

感想:
係日巨我試左好多唔同既野，
係港巨我前所未能體會既野，
仲識到一班朋友，吹水升LV
當然係港巨我都有一班朋友
但係日巨始終都係比較適合新手生存
有機會，我都想叫一班朋友一齊去日巨

全篇完 - 多謝

剎那＊小軒

極之建議你去寫小說=]
(路過抽水)A_A
加油呀!!

y1637892

繼續寫 再修正下D錯字
我繼續有分加
另外係呢度呼籲各位踴躍發帖
有人發問的時候請熱心幫手

kong275327134

明治星你好 等睇你開POST合神

巫哥

寫得非常好!仲要cut埋圖真係有心機

y1637892

哈哈..打段張圖第1名係我XD
醒左777分比你 ^^

平平無奇的玩家

1個幾月就合到神,樓主1日玩好耐?

imDaedalus

我未合到呀
就係因為一日玩得唔係好耐><

imDaedalus

哈哈..打段張圖第1名係我XD
醒左777分比你 ^^
y1637892 發表於 29-10-2012 18:11

    咁我知道你係邊個啦XD

benny055

當我睇完LI個POST   好感動
終於比我見番玩日巨GE真諦
『只要努力   就有回報
    只要堅持   萬事可成』
亦都令我回想起   岩岩入黎日巨時
自己GE汗水   痛苦
雖然苦    但值得回味~

我無咩點幫過李   只可以講一句"加油"