一個數年遊戲玩家對online經歷

童言無忌

在此說明我只係分享歷年經驗,並非陰謀論,都唔想有任何鬧戰

話說我只係一個打機只有4-5年既小玩家,玩既遊戲好普遍,我同大部份人一樣先以online game為開始,玩既包括曙光2`星夢`楓之谷等等,cso只係人生中第3隻game,我斷斷續續離開「佢」都有3次,小學開始中學完結,都算我玩得長既第2隻game


而我只係一個家境富裕小小既人,小學時期將零用都拎去買點數,只係為新槍金槍而「投資」落online,因為我並冇諗過遊戲會執,當時年少輕狂,為左個係一時間既榮耀,導至出咩新槍就買,槍係多,但係就越黎越毒,經常同朋友流連網吧,有時見其他人抽到好槍而我冇既,我就會妒忌,甚至發脾氣問候下對方,一直如此去到我中學...



我由小學上到去中1,期間我依然唔識世面,為遊戲付出既超過我擁有既野,又試過偷呀媽錢買點數...而我泥足深陷係網路世界,認為網上先搵到自我,直到我上中3,我第一隻玩既遊戲「星夢」執粒,突然發生既事件超出我既預算,我個時既「遊戲永遠唔會執」諗法立即冇左,我係星夢又係放左千幾蚊,佢公報倒閉個陣,我仲去左過數買裝


慢慢我開始唔玩online3個月左右,直到有同學叫我一齊玩cso,我地再次去網吧,當時已經見人玩住L4D,心血來潮同同學一齊玩,不論畫質`血腥都吸引住我,我返到屋企望住部電腦,只係一部廠機,連玩cso都會lag既電腦,今日回想返我買既點數,再計返有幾多錢,竟然足以令我砌一部I5既電腦,再講返我中3當時,我每日放學就去網吧打機,每次3個鐘3個鐘都係L4D,慢慢玩熟晒,熟情又再次淡,我再次玩cso,見到c-box有好多「靚槍」,我遺忘左遊戲點都有日執既道理,再次放錢落去,都係我第一次重返cso...如是這,到我中3上學期考試,成績接近滿江紅,好彩仲有電腦同通識岩岩好合格,我比老豆鬧到標晒眼淚


但我仲未諗通,依然打機過日,到下學期有個老死笑我「on6+2+1」買咁多點,仲玩埋小學雞game,我順間冇野講,我恥笑左自己既低B,再次離開cso,當然得閒都會去玩下,中三考試點就唔多講啦,到放暑假我去搵份兼職做外賣仔賺下錢,到我中四開學都有返晚間,而我唔係一個對外形有要求既人,話晒毒拎...心照啦,做左個幾月,我將人工都拎去左砌一部機,我再次回流返cso,但係我冇再放錢落去,因為上youtube睇左「伍公子」我轉玩pc game,我去買左L4D2,GTA4等,當然都會玩「開心版」既pc


需然都係唔值,但係比online好,因為並唔洗為買點煩惱,直接改mod唔洗煩,而我今日又想玩下cso又下載返...


另外我中四都係成績唔掂要過vtc

馬倫

曙光2我以前都有玩,正GAME一隻  音樂同地圖都做得好好

NICK19951008

由2008玩到而家揮手

曬左5K 放帳放番2K

回番條數我都系冇左3K
而家XM8團死MODE 開開心心
建議唔好再買乜鬼槍 直接收個帳好過啦
買解碼永世中唔到槍 黑橘送既解碼10個有1個中金/銀

童言無忌

回復 2# 馬倫


   我玩左幾個月就冇玩

Finalx煙

其實我都覺得買點數系掉錢落海.
人人都知天下無不散之宴席;
但系人生得意須盡歡 莫使金樽空對月.
錢可以賺翻，但系少年時的開心日子系賺吾翻嫁!
當然錢就要用得適當，吾系咁應該投入太多金錢同時間.

以上全屬個人意見，如有吾岩睇請略過.

marypass654

回復 5# Finalx煙


你有時用下果D PT槍都幾好玩下..
唔洗成日買點
有時9唔9咪買下..
用得適當咪得

童言無忌

回復 6# marypass654


   適當就好,打機都係勿沉迷

Finalx煙

回復 6# marypass654

系牙,pt槍都吾差，最緊要盡興

菠蘿君

玩咗cso一排已經無晒癮,
淨係玩足,點都無再買過~
依家會買點既game都只有sd,
不過都唔係成日買個隻~~~

倉井影

回復 1# 童言無忌


睇完你既生路歷程, 睇得出你既成長, 我都好開心
我好明白, 而好多人都經歷過你呢個階段

其實咩遊戲都有完結既一日
cso都係有機會會汁
槍械來說, 其實夠用已經夠
d 槍太多, 根本都用唔哂

反而, 重要既係, 要去享受玩遊戲既過程
錢方面, 真係要balance,
我意思唔係話, 唔好再花錢落去CSO, 但真係要量力而為
唔好沉迷, 唔好將錢放得太多落去, 自己真係要平衡!